4 უძველესი იაპონური საიდუმლოება იმისთვის, რომ მუდამ გამხდარი და ჯანმრთელი იყოთ!
საბედნიეროდ, ახლა უფრო და უფრო მეტი ადამიანი იწყებს ყურადღების გამახვილებას საკუთარ ჯანმრთელობაზე. და ამ მიზნის მისაღწევად სხვადასხვა მეთოდსა და დიეტას ირჩევენ.
ხშირად ჰარმონიის, ძლიერი სხეულისა და სილამაზის საიდუმლოებები განსხვავებულია თითოეული კულტურისთვის. ამ სტატიაში ვისაუბრებთ იაპონელების 4 მთავარ საიდუმლოზე, რომელიც ეხმარება მათ სიბერემდე შეინარჩუნონ ფორმა და ჯანმრთელობა.
თუ სუმოისტივით ჭამ, სუმოისტს დაემსგავსები.
როდესაც საქმე ეხება თქვენს წონას და ჯანმრთელობას, ამ დროს კვება არის მთავარი. მაგალითად, სუმოისტები, რომლებიც, მიუხედავად იმისა, რომ ბევრს ვარჯიშობენ, მაინც სუქდებიან, რაც იმას ნიშნავს, რომ თუ სწორად არ იკვებებით, რეგულარული ვარჯიშის შემთხვევაშიც კი წონაში მოიმატებთ. სუმოისტებს საკმაოდ მოკრძალებული საუზმე აქვთ, მაგრამ შემდეგ მათ აქვთ 2 დიდი კვება დღის განმავლობაში და გიგანტური ვახშამი ძილის წინ. გესმით, რომ ასეთი დიეტით, განსაკუთრებით მაშინ, როდესაც საქმე ეხება არაჯანსაღი კერძების მირთმევას, შეუძლებელია გამხდარი ფიგურის შენარჩუნება.
ჯანსაღი კვების ჩვევები, ადეკვატური ძილი და დასვენება სასიცოცხლო მნიშვნელობის ფაქტორებია ჯანსაღი წონისა და ცხოვრების წესის შესანარჩუნებლად.
საკვები უნდა იყოს ენერგიული
ყველამ მშვენივრად იცით, რომ საკვების გარეშე ცხოვრება არ შეგვიძლია, რადგან საკვები ორგანიზმისთვის ენერგიის წყაროა. ყურადღება მიაქციეთ იმ ფაქტს, რომ ყოველ სეზონს განსხვავებული დიეტა აქვს. მაგალითად, ხილი და ბოსტნეული, როგორც წესი, ზაფხულში იზრდება და ცხელ დღეებში უფრო მეტს ვიყენებთ, რათა ჩვენი ორგანიზმი სიცხეს მოერგოს და გაგრილდეს. მეორეს მხრივ, ზამთარში, ჩვენ გვჭირდება მეტი მაღალკალორიული საკვების მიღება, რომ სითბო შევინარჩუნოთ. მიუხედავად იმისა, რომ ჯანმრთელობის შენარჩუნების საუკეთესო საშუალებაა მწვანილის, ხილისა და უმი ბოსტნეულის უმეტესი ნაწილის ჭამა, ჩვენ მაინც გვჭირდება კალორიები და მეტი ენერგია ზამთარში. ამიტომაც ძალიან მნიშვნელოვანია სეზონის მიხედვით კვება და რაც შეიძლება დაბალანსებული და მრავალფეროვანი კვება.
არ დალიოთ სითხე ჭამის დროს
იაპონური რწმენით, ნებისმიერი სითხის დალევა საკვებთან ერთად საზიანოა საჭმლის მონელებისთვის. მიზეზი არის ის, რომ სითხეები აგრილებს ჩვენს სხეულს სითბოს მიღებით, რომელიც უნდა მივიღოთ ჭამის დროს. მეორეს მხრივ, მეცნიერები თვლიან, რომ წყალი აზიანებს კუჭის წვენის ხარისხს, რომელიც აუცილებელია საჭმლის მონელებისთვის, ამიტომ ორგანიზმს მეტი ენერგია სჭირდება საჭმლის მონელების პროცესის დასასრულებლად. მოერიდეთ სითხეებს ჭამის დროს, მაგრამ შეგიძლიათ ჩაანაცვლოთ ის წვნიანით, ბოსტნეულით ან ხილით.
ცხელი აბაზანა სიცოცხლეს ახანგრძლივებს
ცხელი აბაზანა არა მხოლოდ სიამოვნებაა ორგანიზმისთვის, არამედ შესანიშნავი საშუალებაა თქვენი სხეულის გასაძლიერებლად. იაპონელები იღებენ ცხელ აბაზანას საჭმლის მონელების გასაუმჯობესებლად, კანის გასაწმენდად და სიცოცხლის გასახანგრძლივებლად. გარდა ამისა, ცხელ აბაზანას შეუძლია გააუმჯობესოს სისხლის მიმოქცევა, დაასვენოს კუნთები და მოხსნას სტრესი.
დამეთანხმებით, ეს სულაც არ არის რთული წესები! ასე რომ, გამოიყენეთ ისინი რათა იყოთ მუდამ ჯანმრთელნი!
