არასოდეს გამოიყენო ყურის ჩხირი ცვილის მოსაშორებლად.. ის გაგიუარესებს სმენას..

არასოდეს შეეცადოთ ზედმეტი ყურის ცვილის მოცილებას ბამბის ჩხირით, რადგან ამან შეიძლება გააუარესოს მდგომარეობა ან გამოიწვიოს ინფექცია.

ყურის ცვილი არის ბუნებრივი ნივთიერება, რომელსაც წარმოქმნის ყურის არხში არსებული ჯირკვლები. მისი დანიშნულებაა ყურის შეზეთვა და დაცვა უცხო ნივთიერებებისგან. ბევრი რწმენის საპირისპიროდ, ეს არ არის სხეულის ნარჩენების სახეობა, არამედ ესაა სოკოების, ვირუსებისა და ბაქტერიებისგან დაცვის საშუალება.

პრობლემა ჩნდება, როდესაც ყურში ცვილი წარმოიქმნება ჭარბი რაოდენობით და ბლოკავს არხს. ამან შეიძლება გამოიწვიოს დისკომფორტი, როგორიცაა ყურებში ხმაური, სმენის ნაწილობრივი დაკარგვა და ქავილი.

შემაშფოთებელია ის ფაქტი, რომ ბევრმა არ იცის როგორ გაუმკლავდეს ამ პრობლემას, მაგალითად, ბევრი იყენებს ნივთებს, როგორიცაა თმის სამაგრი ან ბამბის ტამპონები ყურის არხის გასასუფთავებლად.

ამ სტატიაში ჩვენ გაგიზიარებთ საუკეთესო რჩევებსა და ბუნებრივ მეთოდებს ყურების გასაწმენდად ისე, რომ არ გააუარესოთ სმენა და არ დააზიანოთ ყურის არხი.

ფიზიოლოგიური ხსნარი

მარილის ხსნარი არბილებს ყურის ცვილს, რათა გაადვილდეს მისი ამოღება.

ამისათვის აიღეთ:

  • 1 ჩაის კოვზი მარილი (5 გრ)
  • ½ ჭიქა თბილი წყალი (125 მლ)
  • 1 ბამბის ბურთი

გახსენით მარილი ნახევარ ჭიქა წყალში. დაასველეთ ბამბის ტამპონი სითხეში და ჩაიწვეთეთ რამდენიმე წვეთი ყურში. გადაატრიალეთ თავი გვერდზე სამი-ხუთი წუთის განმავლობაში, რათა სითხე შიგნით შენარჩუნდეს. შემდეგ თავი საპირისპირო მხარეს გადაატრიალეთ და ეს სითხე გადმოღვარეთ. ყურის გარე ნაწილი სუფთა ქსოვილით გაიწმინდეთ ზედმეტი ცვილის მოსაშორებლად.

თბილი ზეითუნის ზეთი

გააცხელეთ ზეითუნის ზეთი და ჩაიწვეთეთ ორი-სამი წვეთი დაზიანებულ ყურში. შემდეგ დაახლოებით ათი წუთი დაელოდეთ გოგირდის დარბილებას. შემდეგ გადახარეთ თავი გვერდზე ისე, რომ ზეთი და ცვილი გამოვიდეს.

წყალბადის ზეჟანგი

წყალბადის ზეჟანგი არის ძალიან პოპულარული საშუალება, როდესაც საქმე ეხება დაგროვილი ყურის ცვილის მოცილებას. თუმცა, ის არ უნდა იქნას გამოყენებული, თუ არსებობს ინფექციის ნიშნები ან სხვა პრობლემები, რადგან თუ დისკომფორტი გამოწვეულია ყურის ცვილის გარდა სხვა რამით, შეიძლება გამოიწვიოს გართულებები.

თანაბარი პროპორციით შეურიეთ წყალბადის ზეჟანგი და წყალი. ჩაიწვეთეთ ხუთი წვეთი დაზიანებულ ყურში. გადაატრიალეთ თავი ერთ მხარეს 10 წუთის განმავლობაში, შემდეგ კი გადმოატრიალეთ მეორეზე, რომ სითხე გადმოიღვაროს. მოიშორეთ ზედმეტი ყურის ცვილი სუფთა ქსოვილით.

საბოლოო რჩევები

  • გახსოვდეთ, რომ ამ ბუნებრივი საშუალებების გამოყენება შეგიძლიათ მხოლოდ მაშინ, როცა ყურის სერიოზული პრობლემის ნიშნები არ არის.
  • თუ გაგიჭირდებათ, გაიარეთ კონსულტაცია პროფესიონალთან, სანამ სცდით რაიმე სახის დასუფთავების მეთოდს.
  • გარდა ამისა, თავიდან უნდა იქნას აცილებული ქაღალდის სამაგრების, თმის სამაგრების, ბამბის დისკებისა ან სხვა მსგავსი ნივთების გამოყენება, რადგან მათ შეუძლიათ გამოიწვიონ ყველა სახის გართულება.
Facebook კომენტარები