საკვები ცელოფანის შემოხვევა წელზე დაგეხმარებათ ცხიმის სწრაფ დაწვაში. ეს უნდა სცადოთ
საკვების შესაფუთი ცელოფნის სახვევები – კოსმეტიკური პროცედურაა, რომელიც დასავლეთში უფრო და უფრო პოპულარული ხდება. მისი ეფექტურობის საიდუმლო სათბურის ეფექტშია, რომელსაც ცელოფანი ქმნის. ის აჩქარებს ორგანიზმში სისხლის ცირკულაციას, აძლიერებს საოფლე ჯირკვლების მუშაობას, აიძულებს ორგანიზმს უფრო აქტიურად გამოდევნოს ტოქსინები და სხვა მავნე ნივთიერებები. ცელოფნის ალტერნატივად შეიძლება ჩაითვალოს ფოლგა. ცნობილია, რომ ცელოფნის სახვევები ხელს უწყობს გახდომას, ორგანიზმის დეტოქსიკაციას და აუმჯობესებს კანის მდგომარეობას.
არსებობს გამაჯანსაღებელი შეფუთვის რამდენიმე სახეობა. გთავაზობთ ორს, მათგან ყველაზე პოპულარულს:
თაფლის სახვევი: ჩაასხით თაფლი პატარა ჯამში და შეათბეთ დაბალ ცეცხლზე. დაუმატეთ მას ერთი კვერცხის გული და რამდენიმე წვეთი ციტრუსების (ლიმონის ან ფორთოხლის) ეთერზეთი. მიღებული ნაერთი წაისვით სხეულის პრობლემურ ზონებზე: თეძოებზე, მუცელსა და სხვა ადგილებში. მჭიდროდ შემოიხვიეთ საკვების შესაფუთი ცელოფანი ან ფოლგა. ზემოდან ჩაიცვით თბილი სამოსი ან გაეხვიეთ პლედში. გაჩერდით ამ მდგომარეობაში ერთი საათის განმავლობაში, შემდეგ კი მოიხსენით სახვევი და ჩამოიბანეთ თბილი წყლით.
თიხის სახვევი: ეს მსოფლიოში ერთ-ერთი ყველაზე ეფექტური ანტიცელულიტური პროცედურაა. სამედიცინო თიხა შეიცავს დიდი რაოდნობით მიკროელემენტებს, რომლებიც არაჩვეულებრივად მოქმედებს კანზე. ცოტაოდენი წყალი დაასხით თიხას, რათა მიიღოთ კრემისებური მასა. წაისვით მიღებული კრემი სხეულის პრობლემურ ადგილებზე, შემოიხვიეთ პოლიეთილენის ცელოფანი და ჩაიცვით თბილი სამოსი. სასურველით თუ მარტივ ვარჯიშებსაც შეასრულებთ, რათა ოფლის გამოყოფა გააძლიეროთ. მთელი პროცედურა ერთ საათს უნდა მოიცავდეს. თუკი ამ პროცედურებს კვირაში ორჯერ მაინც ჩაიტარებთ, მალევე შეამჩნევთ პირველ სერიოზულ შედეგებს. დაიწყებთ წონაში კლებას, ცელულიტი თანდათანობით გაქრება, კანი კი ელასტიკური, გლუვი და მკვრივი გახდება.
პროცედურის ჩატარების წინ რეკომენდებულია სხეული ნებისმიერი კოსმეტიკური სკრაბით გაიწმინდოთ. ასე საუკეთესო შედეგს მიიღებთ.
ყურადღება: თუკი გაწუხებთ გული, ან სისხლძარღვები, ასევე ხართ ჰიპერტონიკი ან გაქვთ ვენების ვარიკოზული დაავადება, ეს პროცედურა თქვენთვის არ არის!
ასევე ასეთ დროს აუცილებლად უნდა მიიღოთ ბევრი წყალი, რომ ორგანიზმის გაუწყლოება არ მოხდეს.
