როგორ მოვიშოროთ ხველა კომბოსტოს ფოთლით? ეს მარტივი პროცედურა სრულიად გაგიქრობთ ხველას
ნაკლებად სავარაუდოა, რომ აღმოჩნდეს ადამიანი, რომელსაც არ ჰქონია ხველის პრობლემა, რესპირატორული დაავადებების მთავარი სიმპტომი. მართალია, ეს ყოველთვის არ ნიშნავს, რომ ბრონქებში, ტრაქეაში ან ფილტვებში მიმდინარეობს ანთებითი პროცესი. ეს ასევე შეიძლება გამოწვეული იყოს ბრონქოსპაზმით, ხორხის ანთებით, გულის უკმარისობით და სხვა დაავადებებით. ამ სტატიაში განვიხილავთ, თუ როგორ უნდა განიკურნოთ ცივი ხველა ტრადიციული მკურნალების მარტივი საშუალებით.
ეს არის დაავადების სიმპტომი, რეფლექსი, რომელიც აჩვენებს, რომ არსებობს სასუნთქი სისტემის ლორწოვანი გარსის ანთება და გაღიზიანება, ამიტომ გაცივების შემთხვევაში მკურნალობა არ არის მიმართული მის აღმოფხვრაზე, არამედ ნახველის გამოდევნაზე. აუცილებელია მკურნალობა რაც შეიძლება სწრაფად დაიწყოს გაციების პირველივე ნიშნების დროს, რათა თავიდან ავიცილოთ შემდგომი გართულებები, მათ შორის პნევმონია ან ბრონქიტი.
კომბოსტოს ფოთლითსა და თაფლის მკურნალობა ხველის საწინააღმდეგოდ დიდი ხნით ადრე დაიწყეს ჩვენმა წინაპრებმა. ეს გამოწვეულია ბოსტნეულის განსაკუთრებული თვისებებით, რომელიც მინერალებისა და ვიტამინების გარდა, შეიცავს მდოგვის ზეთს, ანტიოქსიდანტებს, ორგანულ მჟავებს და ორგანიზმისთვის სასარგებლო სხვა ნივთიერებების დიდ რაოდენობას. თაფლის დიდი სასარგებლო თვისებების მიუხედავად იგი სიფრთხილით უნდა იქნას მიღებული, რადგან ამ პროდუქტმა შეიძლება გამოიწვიოს მძიმე ალერგია.
სანამ კომბოსტოსა და თაფლით მკურნალობას დაიწყებთ კარგი იქნება თუ თაფლზე ალერგიის ტეესტს ჩაიტარებთ. ამისათვის აუცილებელია კომბოსტოს ფოთლის პატარა ნაჭერზე წაუსვათ თაფლი, შემდეგ კი იდაყვის მოსახვევის ადგილას დადოთ. თუ 10 წუთის შემდეგ არანაირი რეაქცია არ გექნებათ, შეგიძლიათ უსაფრთხოდ დაიწყოთ მკურნალობა.
ყველაზე ხშირად, კომბოსტოს ფოთოლი ხველისთვის გამოიყენება კომპრესის სახით, რომელსაც შეუძლია გაუმკლავდეს ინფექციას, შეამციროს ტკივილი და გაათავისუფლოს ანთება. ეს კომპრესი მშვენივრად ათბობს გულმკერდს და ასევე ეხმარება ხველას. დროდადრო, მხოლოდ რამდენიმე პროცედურაა საკმარისი იმისათვის, რომ მნიშვნელოვანი შვება იგრძნოთ.
როგორ გავაკეთოთ კომპრესი?
მის მოსამზადებლად თქვენ უნდა აიღოთ წყლიანი კომბოსტო, მოაცალოთ რამოდენიმე ფოთოლი კომპრესისთვის, ამ ფოთლებს მოაჭერით უხეში ცენტრალური ნაწილები და ჩადეთ მდუღარე წყალში ერთი წუთით, რომ ფოთოლი გახურდეს და დარბილდეს. შემდეგ ფოთოლს გადაატარეთ საბრტყელებელი, ისე რომ მან წვენი გამოიღოს.
წყლის აბაზანაში ჯერ თაფლი უნდა გაათბოთ. როდესაც გათბება წაუსვით გამზადებულ კომბოსტოზე. წაუსვით 1 კოვზი თაფლი 1 ფურცელზე. წაუსვით თანაბრად და დაიდეთ მკერდზე. ზემოდან დაიდეთ თბილი ნაჭერი ან ბამბა, შემდეგ შეიხვიეთ თბილი შარფით, რომელიც მკერდზე უნდა იყოს მიბმული, რომ კომპრესი უსაფრთხოდ იყოს დაცული.
თუ ხველა საწყის ეტაპზეა, პროცედურისთვის საკმარისია ერთი ფურცელი, მაგრამ თუ პროცესი უკვე გაუარესებულია, ამ დროს ზურგზეც და მკერდზეც უნდა დაიდოთ თითო-თითო კომბოსტოს კომპრესი. ეს პროცედურა უნდა გაიმეოროთ 3-5 ღამე. ძირითადად, ამ დროისთვის, ხველა მთლიანად ქრება, რა თქმა უნდა, თუ მკურნალობა დროულად დაიწყო.
დილით მოიცილეთ კომპრესი სველი პირსახოცით და შემდეგ თბილად ჩაიცვით. თუ ხველას თან ახლავს თავის ტკივილი ან ცხელება ეს შეიძლება იყოს ინფექციის შედეგი, მაშინ აუცილებელია ექიმთან კონსულტაცია.
