ნიახურის წვენი კარგია ჯანმრთელობისთვის: სამკურნალო თვისებები, რომელიც ყველამ უნდა იცოდეს
ნიახურის წვენი კარგია ჯანმრთელობისთვის, რადგან მას აქვს ცოტა კალორია, განსხვავებით სხვა სახის ხილისა და ბოსტნეულისგან. ყველამ უნდა იცოდეს მისი სამკურნალო თვისებები.
ნიახური მდიდარია ბოჭკოებით, რაც ძალიან გვავსებს. როცა ნიახურის წვენს ვამზადებთ, ამ ბოჭკოებს ამოვიღებთ და დიდი რაოდენობით ნიახურს ვწურავთ ერთ ჭიქაში.
ვინაიდან ნიახური სავსეა ვიტამინებით, მინერალებით და სხვა სასარგებლო ინგრედიენტებით, ის არა მხოლოდ ძალიან გემრიელ სასმელს ქმნის, არამედ შესანიშნავი დიეტური დანამატიცაა.
ნიახურის წვენი სასარგებლოა ჯანმრთელობისთვის, რადგან მას აქვს ძალიან ცოტა შაქარი და კალორია, განსხვავებით სხვა სახის ხილისა და ბოსტნეულისგან. თუმცა, მიუხედავად იმისა, რომ ის ძალიან ჯანსაღია, ის მაინც დიეტურ დანამატს უფრო ჰგავს და არ უნდა იქნას გამოყენებული, როგორც ერთადერთი კვება.
გიზიარებთ ნიახურის სასარგებლო თვისებების კრებულს..
1. ნიახურის წვენი ხელს უშლის მხედველობის პრობლემებს
ნიახურის წვენი შეიცავს დიდი რაოდენობით A ვიტამინს, რომელიც მნიშვნელოვან როლს ასრულებს მხედველობის აღქმაში. ის იცავს თვალის ზედაპირს ბაქტერიებისა და ვირუსებისგან. ვიტამინი A ხელს უწყობს ასაკის მატებასთან დაკავშირებული მხედველობის პრობლემების თავიდან აცილებას.
2. ანეიტრალებს მჟავე საკვებს
ნიახურის წვენი სამკურნალოა, რადგან შეიცავს დიდი რაოდენობით რკინას, მაგნიუმს და კალიუმს, რაც მას განსაკუთრებულ თვისებებს ანიჭებს - ანუ შეუძლია მჟავე საკვების განეიტრალება და ამით ჩვენი ორგანიზმის pH-ის შენარჩუნება.
ძალიან მჟავე საკვების მიღება იწვევს სხვადასხვა პრობლემებს, როგორიცაა ძვლების შესუსტება, თირკმელებში ქვების ასებობა, გულის და ღვიძლის პრობლემები. ვინაიდან ჩვენ ხშირად ვჭამთ მჟავე საკვებს, ნიახურის დამატება ჩვენს რაციონში გვეხმარება მჟავე საკვების ეფექტის განეიტრალებაში.
3. არეგულირებს ორგანიზმში სითხის რაოდენობას
ნიახური შეიცავს უამრავ კალიუმს და ეს მინერალი მნიშვნელოვან როლს ასრულებს ჩვენი ორგანიზმის მრავალ პროცესში. მეცნიერები თვლიან, რომ კალიუმი არის მესამე ყველაზე მნიშვნელოვანი მინერალი ჩვენი ორგანიზმის ნორმალური ფუნქციონირებისთვის. ჩვენი სხეული შედგება 60% წყლისგან და ამ წყლის 40% ჩვენს უჯრედებშია, დანარჩენი კი მათ გარეთ. კალიუმი წყალში იშლება და ხელს უწყობს წყლის ბალანსის შენარჩუნებას ჩვენს ორგანიზმში.
4. ხელს უშლის ტიპი 2 დიაბეტს
ტიპი 2 დიაბეტი არის სერიოზული დაავადება, რომელიც უფრო და უფრო მეტ ადამიანს აწუხებს. ვარაუდობენ, რომ 2030 წლიდან დაახლოებით 400 მილიონი ადამიანი დაავადდება დიაბეტით. ნიახური დიაბეტის განვითარების პრევენციის ერთ-ერთი ბუნებრივი საშუალებაა. ის შეიცავს უამრავ K ვიტამინს და ზრდის ჩვენს მგრძნობელობას ინსულინის მიმართ.
5. შეიცავს უამრავ ფოლატს
ფოლიუმის მჟავა მიეკუთვნება B ვიტამინების ჯგუფს და წარმოადგენს ძვლის ტვინში სისხლის წითელი და თეთრი უჯრედების ძირითად ელემენტს. ამავდროულად, ის მნიშვნელოვან როლს ასრულებს ნახშირწყლების ენერგიად გარდაქმნაში, ანადგურებს ცილებს და ქმნის დნმ-ს. მხოლოდ ერთი ჭიქა ნიახური შეიცავს 145 მიკროგრამ ფოლატს, რაც შეადგენს მამაკაცებისა და ქალებისთვის რეკომენდებული დღიური რაოდენობის 36%-ს და ორსული და მეძუძური ქალებისთვის დღიური რაოდენობის 29%-ს.
როგორ მოვამზადოთ ნიახურის წვენი?
-ნიახურის წვენს შედარებით რბილი გემო აქვს და მარილიანია, მაგრამ ცოტა სიმწარესაც შეიცავს, რაც ყლაპვას ართულებს - ამბობს დიეტოლოგი და გვირჩევს, ნიახური ბლენდერში მოვათავსოთ და შემდეგ გადავწუროთ ბოჭკოების მოსაშორებლად, შეგიძლიათ წვენს წყალი დაუმატოთ.
ნიახურის წვენი ჩვენი ორგანიზმისთვის ნამდვილი წამალია. ვიმედოვნებთ, რომ ეს სასარგებლო რჩევები გამოგადგებათ.
