9 ნიშანი იმისა, რომ ძალიან ცოტა წყალს სვამთ
დღის განმავობაში ადამიანები ვსვამთ სხვადასხვა სახის სითხეს: ყავას, ჩაის, წვენებს, სმუზის, გაზიანი სასმელების, კომპოტების, ღვინოს, ლუდს. სითხის ასეთი შევსების გამო ხშირად გვავიწყდება მთავარი, წყლის დალევა. ალბათ გვგონია, რომ ეს სასმელები თავისუფლად შეავსებს ორგანიზმში წყლის ბალანსს, მაგრამ არა, ეს ასე არაა.
ორგანიზმში წყლის ნაკლებობის გამო, მეტაბოლური პროცესები ირღვევა, ტოქსინები არ გამოიყოფა და დეჰიდრატაცია ხდება. მწვავე დეჰიდრატაცია ხდება გადახურების და ოფლიანობის მომატების, ქარის ამინდთან შერწყმული სითბოს, დაავადებების გამო, რომელსაც თან ახლავს დიარეა და ღებინება, სიცხე და ოფლიანობა.
ორგანიზმში წყლის მუდმივი ნაკლებობა არც ისე შესამჩნევია. ადამიანის სხეული ეჩვევა ამ მდგომარეობას. მაგრამ თუ ამავე დროს არსებობს სითხის დიდი დაკარგვის წინაპირობები, მაგალითად ზაფხულის ცხელი დღეების მოახლოება, მაშინ შესაძლებელია გონების დაბინდვა, დაბნეულობა და სხვა სერიოზული პირობების წინაშე აღმოჩნდეთ, რომლებიც მკურნალობას მოითხოვს.
გსურთ გაიგოთ, სვამთ თუ არა საკმარის წყალს? მაშინ განაგრძეთ სტატიის კითხვა. თუ ქვემოთ ჩამოთვლილი ნიშნებიდან რომელიმე მაინც გახასიათებთ, ე.ი. არ სვამთ საკმარისი რაოდენობით წყალს.
მშრალი პირი.
პირის სიმშრალე პირველი და ყველაზე აშკარა სიმპტომია იმისა, რომ თქვენს სხეულს წყალი სჭირდება. ამ ეტაპზე სხეული უკვე იწყებს გაუწყლოებას. ბუნებრივია, არ უნდა ებრძოლოთ პირის სიმშრალეს ჩაის ან შაქრიანი შეფუთული წვენების ხარჯზე. სხეულს სჭირდება წყალი!
მშრალი კანი.
ჩვენი კანი, ასახავს ყველაფერს, რაც სხეულს ემართება შიგნით. თუ კანის ჭარბი სიმშრალე გაწუხებთ, მაშინ, სავარაუდოდ, ეს მხოლოდ ორგანიზმში წყლის ნაკლებობის გამო ხდება.
ზოგჯერ ძლიერი წყურვილის შეგრძნება.
თუ დროდადრო გემართებათ ისე, რომ ბევრი წყლის დალევის მიუხედავად, ისევ გინდებათ წყალი, ეს ნიშანია იმისა, რომ თქვენი სხეული გაუწყლოებას განიცდის. ეს უკვე აღარ არის მხოლოდ პირის სიმშრალე, ეს უკვე სხეულის საკმაოდ სერიოზული გაუწყლოებაა, რომლის დროსაც ტვინი იწყებს აქტიური SOS სიგნალების გაგზავნას და უბრალოდ ითხოვს წყალს.
მშრალი თვალები
თუ თვალების სიმშრალე, მცირე ქავილიც კი გაქვთ, სასწრაფოდ წადით და წყალი დალიეთ. როდესაც სხეულში წყალი არ არის საკმარისი, ჩვენი ცრემლსადენი მილები შრება. ამან შეიძლება თვალების დიდი დაზიანება გამოიწვიოს. ადამიანები, რომლებიც ატარებენ კონტაქტურ ლინზებს, განსაკუთრებით ყურადღებიანი უნდა იყვნენ ამ სიმპტომის მიმართ.
შარდის მოცულობის შემცირება და ფერის შეცვლა (ხდება მუქი).
ყურადღება მიაქციეთ შარდის რაოდენობას. ის უნდა შეესაბამებოდეს დალეული წყლის რაოდენობას. თუ ეს ასე არაა, მაშინ ორგანიზმი გაძლევთ ნიშანს უწყლოობისა.
გულისცემის გახშირება
როდესაც სისხლის მიმოქცევის სისტემაში წყალი კარგავს წყალს, ხდება ბლანტი, მისი მოცულობა იკლებს, ის უფრო ნელა ცირკულირებს. შედეგად, გულზე იტვირთება, ირღვევა სისხლის მიმოქცევა და ადამიანის ორგანოები არ იღებენ საკმარის ჟანგბადს.
კუნთების მასის შემცირება.
ხრტილისა და სახსრების მსგავსად, კუნთებიც ნახევარი შეადგენს წყალს. ბუნებრივია ვივარაუდოთ, რომ ორგანიზმში წყლის ნაკლებობის დროს, დეჰიდრატაციით, ტენიანობა იკარგება – კუნთოვანი მასის მოცულობა იკლებს. ყველა ტრენერი და ექიმი მივიდა იმ დასკვნამდე, რომ ვარჯიშის დროსაც კი საჭიროა წყლის დალევა პერიოდულად.
ქრონიკული დაღლილობა და ძილიანობა.
თუ სხეულს წყალი არ აქვს საკმარისი რაოდენობით, ის იწყებს მის ძებნას, თუ გარედან არ მიიღო, ორგანიზმში არსებულ სითხეს იწოვს. ეს იწვევს ჟანგბადის უკმარისობას, რომელიც გადაიტანება ყველა ორგანოში. ეს ასევე იწვევს ძილიანობის და დაღლილობის შეგრძნებას. თუ დღითიდღე უფრო და უფრო დაღლილად გრძნობთ თავს, არ გყოფნით ძილი 8 საათიანი ძილის შემდეგაც და ყავაც აღარ გაცოცხლებთ, ეს იმის ნიშნად უნდა ჩათვალოთ რომ წყლის რაოდენობამ იკლო სხეულში.
აღინიშნება საჭმლის მონელების პრობლემები.
მნიშვნელოვანია პირის ღრუს ლორწოვანი გარსის დატენიანება, მაგრამ ეს ასევე ეხება მთელ საჭმლის მომნელებელ სისტემას. სათანადო დატენიანების გარეშე, თქვენს კუჭში ლორწოს რაოდენობა და სიმკვრივე მცირდება, რაც საშუალებას აძლევს კუჭის მჟავას ზიანი მიაყენოს თქვენს შინაგან ორგანოებს. ეს, როგორც წესი, იწვევს იმას, რასაც გულძმარვას და მონელებას ვუწოდებთ.
წყლის რაოდენობა, რომელსაც ჩვენი სხეული იტევს, ასაკის მატებასთან ერთად იკლებს. ამიტომ, წლების მატებასთან ერთად აუცილებლად უნდა გავზარდოთ წყლის მიღება. მიუხედავად იმისა, რომ ნაადრევი დაბერების ნიშნები გარეგნულად უფრო აშკარაა, ის ზიანი, რასაც დეჰიდრატაცია აყენებს შინაგან ორგანოებს, საბოლოოდ დიდი ხნის განმავლობაში იგრძნობა. ასოცირებული რისკების შესამცირებლად, თქვენ უნდა დაიცვათ თქვენი წყლის მიღების რეჟიმი მთელი ცხოვრების განმავლობაში.
