თუ ხერხემლის ოსტეოქონდროზი გაწუხებთ, გამოიყენეთ ეს რეცეპტები! ის დაგეხმარებათ!.
თანამედროვე მსოფლიოში 20-21 საუკუნეების ცხოვრების შეცვლის პირობების გამო (ნაკლები მოძრაობითი აქტივობები, არასწორი და უხარისხო კვება), ყველაზე ოპტიმისტური მონაცემებით, დედამიწაზე თითქმის ყოველი მეხუთე ადამიანი, სიცოცხლის მეოთხე ათწლეულისათვის „შეიძენს“ ან თვითონ ოსტეოქონდროზს, როგორც დაავადებას, ან მისი მრავალრიცხოვანი სინდრომებიდან ერთერთს.
ოსტეოქონდროზს ნერვულ დაავადებათა სტრუქტურაში ერთ-ერთი პირველი ადგილი უჭირავს. ოსტეოქონდროზი – ეს არამარტო მარილების ჩალაგება ხერხემალში. ეს მხოლოდ ნაწილია, დაავადების ბოლო სტადიაა, დაავადების არსი ძვლების დაშლისა და ხერხემლის ხრტილოვანი და იოგოვანი აპარატის მოქნილობის დაკარგვაშია. ყველაზე მთავარი, საიდანაც ეს ყველაფერი იწყება, მალთაშუა ხრტილოვანი დისკების მოქნილობის დაკარგვაა.
ხშირად ამბობენ, რომ ოსტეოქონდროზი ვითარდება ხერხემლის გადამეტებული ფიზიკური დატვირთვით (დიდ დატვირთვასთან დაკავშირებული სპორტის სახეობები, მძიმე შრომა): ეს მთლად მართალი არაა. უფრო ზუსტათ რომ ვთქვათ – შეიძლება განვითარდეს არასწორ (არაფიზიოლოგიურ) –პოზაში გადამეტებული ფიზიკური დატვირთვით. ეს ყველაფერი ქმნის თავიდან მთელ ორგანიზმის, შემდეგ კი – ხერხემლის, სახსრების დაავადების წინაპირობას.
ოსტეოქონდროზი მალთაშორის დისკის ფიბროზული რგოლის შინაგანი ბზარით იწყება. ზარები ჩნდება მალთაშუა დისკების კვების დარღვევის და ხერხემლის დატვირთვის შედეგად. ეს დაავადების პირველი სტადიაა.
თუ ჩვენ დახრილი ავწევთ 40 კგ ტვირთს, მაშინ ხერხემალს 360 კგ-ის ტოლი ძალა აწვება! ითვლება, რომ მალთაშუა დისკის დეფორმაცია მასზე დაახლოებით 950 კგ ტოლი ძალის ზეწოლის თროს ვითარდება.
ოსტეოქონდროზის სამკურნალოდ ხალხური მედიცინა გთავაზობთ სხვადასხვა საშუალებებსა და რეცეპტებს. მოდით გავეცნოთ რამდენიმე მათგანს.
• ოსტეოქონდროზის დროს დალიეთ ნიახურის ნედლი ძირების წვენი- 2-2 ჩ. კ. 3-ჯერ დღეში, ჭამამდე 30 წთ-ით ადრე.
• შეგიძლიათ დაამზადოთ ნაყენიც: 1 ს. კ. ნიახურის ძირებს დაასხით 2 ჭიქა მდუღარე წყალი, დააყენეთ 4 სთ. მიიღეთ 50-50 მლ 3-ჯერ დღეში, ჭამამდე 30 წთ-ით ადრე.
• აიღეთ 1 ჭიქა შვრიის მარცვალი, დაასხით 1 ლიტრი წყალი, ადუღეთ ნელ ცეცხლზე სანამ ამ სითხის 1/4 ნაწილი არ აორთქლდება, გაწურეთ. მიიღეთ ეს ლორწოვანი ნახარში (შეიძლება თაფლით, ნაღებით) ნახევარ-ნახევარი ჭიქა 3-ჯერ დღეში, ჭამამდე.
• მარილების (ოქსალატების) გამოსადევნად: გულმოდგინედ გარეცხეთ და დაჭერით წვრილ რგოლებად ოხრახუშის 2 მსხვილი ძირი, მოათავსეთ მომინანქრებულ ქვაბში და დაასხით 1,5 ჭიქა მდუღარე წყალი. ადუღეთ ნელ ცეცხლზე 15 წუთი, დააყენეთ ნახევარი საათი, ძირები დალიეთ 3 მიღებაზე, ჭამამდე ნახევარი საათით ადრე. ყოველდღე მოამზადეთ ახალი პორცია, მკურნალობის კურსი – არანაკლები ერთი თვისა.
წყარო- სტატია მომზადებულია “უფლის აფთიაქი”-ზე დაყრდნობით.
