შარდის ინფექციების დროს გამოიყენეთ ეს ნახარში.. ეფექტურია!!..

სტატისტიკის მიხედვით, ბაქტერიული ინფექციით დაავადებულთა უმეტესობას აქვს საშარდე გზების ინფექცია. ინფექციით გამოწვეული საშარდე გზების დაავადება შეიძლება დიაგნოზირდეს როგორც ახალშობილებში, ასევე ხანდაზმულ ადამიანებში.

საშარდე გზების ინფექციების გავრცელების დასტურია ის, რომ თითქმის არ არსებობს ადამიანი, რომელსაც ცხოვრებაში ერთხელ მაინც არ შეხვედრია ამ ტიპის დაავადება. საშარდე გზების ინფექციები უფრო ხშირად გვხვდება ქალებში, ვიდრე მამაკაცებში.

შარდის ინფექციის მიზეზები

მჟავიანობისა და ხსნარის ცვალებადი კონცენტრაციის გამო, შარდი არ წარმოადგენს ბაქტერიების განვითარებისთვის შესაფერის გარემოს. საშარდე გზების ინფექცია ხდება მაშინ, როდესაც ბაქტერიები წარმოიქმნება და იწყებს გამრავლებას საშარდე გზებში, ყველაზე ხშირად შარდის ბუშტში ან ურეთრაში. მხოლოდ ამის შემდეგ ხდება შარდის ინფიცირება და მისი გაანალიზებით შესაძლებელია დიაგნოზის დასმა, ასევე დაავადებაზე პასუხისმგებელი ბაქტერიის ტიპის დადგენა.

ინფექციები ყველაზე ხშირად აზიანებს ქვედა საშარდე გზებს - ურეთრას, შარდის ბუშტს, ხოლო მამაკაცებში პროსტატასა და სათესლე ჯირკვლებს, ასევე ზედა საშარდე გზებს - შარდსაწვეთებს (საშარდე არხებს) და თირკმელებს.

რა სიმპტომები ახასიათებს საშარდე ინფექციებს?

სიმპტომები განსხვავდება დაავადების წარმოშობის ადგილის მიხედვით. ყველაზე გავრცელებულია:

  • წვის შეგრძნება საშარდე არხში,
  • წნევა და დაძაბულობა შარდის ბუშტის მიდამოში,
  • გახშირებული შარდვა,
  • შარდის შეკავების შეუძლებლობა და სხვა.

ბავშვებში ჩვეულებრივ აღინიშნება ცხელება, მადის დაქვეითება, ლეთარგია, ღებინება, დიარეა, ძილიანობა, ჩასველება, შარდის ფერის შეცვლა და მსგავსი.

შარდის ფერის ცვლილება, მუქი შარდი და უსიამოვნო სუნი ასევე შეიძლება მიუთითებდეს საშარდე გზებში ბაქტერიების არსებობაზე. ქალები ძალიან ხშირად უჩივიან ტკივილს მენჯის არეში, ხოლო მამაკაცებს შეუძლიათ იგრძნონ ტკივილი სწორი ნაწლავის მიდამოში.

ტკივილი და მგრძნობელობა ზურგში ნეკნების ქვემოთ, გულისრევა და ღებინება შეიძლება მიუთითებდეს, რომ ბაქტერიებმა თირკმელამდე მიაღწიეს. თირკმლის ინფექციამ შეიძლება დატოვოს ჯანმრთელობის ხანგრძლივი შედეგები.

მკურნალობა

როგორც თერაპიის დამატება, რეკომენდებულია სითხის გაზრდილი რაოდენობით მიღება, ამიტომ ჩაი შესანიშნავი არჩევანია. ბუნებრივი საშუალებების ფართო არჩევანს შორის ყველაზე ხშირად გამოიყენება მოცვი, სიმინდის აბრეშუმი, ოხრახუშის ფოთლები და ნესვის თესლი.

წარმოგიდგენთ ჩაის რამდენიმე მარტივ კომბინაციას დადასტურებული ეფექტებით, რომლებიც ადვილად მოსამზადებელია:

  • 200 მლ ცხელ წყალში მოათავსეთ ორი კოვზი წვრილად დაჭრილი ახალი ოხრახუში, გააჩერეთ 20-30 წუთი. დროის გასვლის შემდეგ კი დალიეთ ახლად მომზადებული სასმელი დღეში 3-ჯერ, ჭამამდე ნახევარი საათით ადრე.
  • შარდმდენი თვისება აქვს ასევე შემდეგ ნახარშებს. 250 მლ ცხელ წყალში ჩაყარეთ ერთი ჩაის კოვზი გვირილის ხმელი ყვავილი, დაელოდეთ მის შეგრილებას და შემდეგ დალიეთ. ასევე შეგიძლიათ გამოიყენოთ შემდეგი ნახარში: 200 მლ წყალში ჩაყარეთ არყის ხმელი ფოთლები. ის ასევე ეფექტურად მუშაობს ამ პრობლემის მოგვარებაში.
  • ერთ სუფრის კოვზ სიმინდის გამხმარ აბრეშუმის ძაფებს დაასხით 300 მლ ცხელი წყალი და გააჩერეთ დაახლოებით 15 წუთი, დროის გასვლის შემდეგ გადაწურეთ. ამ ჩაის ხშირად იყენებენ სახლის სამკურნალო საშუალებებში და საყოველთაოდ ცნობილია, რომ ებრძვის საშარდე ინფექციებს. სვამენ დღეში სამჯერ მაქსიმუმ ხუთი დღის განმავლობაში, შემდეგ კი ორდღიანი შესვენება ხდება და პროცედურა მეორდება.

თქვენ რა საშუალებები იცით ამ პრობლემის სამკურნალოდ? გაგვიზიარეთ რეცეპტები კომენტარებში..

Facebook კომენტარები

ფრენის კომპენსაცია
ფრენის კომპენსაცია